متفرقات

هي الرقابة اليوم تحتاج مرقاب
كلن يبي يجني خطاه وصوابه
إذا العنا صابك كلن له حساب
اللي تسبب لك دق العنا بابه
****
كيف القلم يكتب مشاعري بسكات
يمشي على الأوراق والحرف ماهزه
****
لاتطلب الأحلام تراها تجلـَّى
ومن نساك اليوم أنسى علومه
لاتلتفت ورى وتطيح وتخلــَّى
وتذوق مر الحب في غير يومه
كلن يعيش بهم بس يتسلى
والقلب يسلى لو يرمي همومه
****
ليه الصفا ينتهي كله بلحظة
ننسى الغلا والود ونصير أشرار
ليه الخطا يمحي مشاعرٍ مكتظة
هو حبنا صادق أو فيه أسرار
****
وين المحبة اليوم وين الغلا فيها
كلن تبناها ونشوفها عريانة
****
من قبل كنت أحبك وبجنون
لكن اليوم مالك بقلبي غلا
أنت أحرقت المشاعر والشجون
أنت دمرت الحب قدام الملا
أنت مين ولامين وش تكون
يللا علمني ياساس البلا
خلك بصمتك تقراك العيون
مستحيل تشوف من قلبي هلا
****